Monday, September 10, 2018

లేచిపోదామన్న మొనగాడా....రా చూద్దాం !

హరిబాబు గారు అన్నట్లుగా ఒక వ్యాక్యాన్ని చౌదరి గారు వ్రాసారు. అది ఎవరిని ఉద్దేశ్యించి అన్నారో ఎవరయినా కనిపెట్టేయగలరు. బ్లాగింగ్ లో హరిబాబు గారితో వాదించేదీ, రాజకీయాలు మాట్లాడేది నేను మాత్రమే !

నేను రాజకీయాల్లోకి రావడానికి ముందే ఇటువంటివి వినడానికి, భరించడానికీ ప్రిపేర్ అయ్యే వచ్చాను. ఈ విషయమై హరిబాబు గారినీ, కొండలరావు గారినీ అడిగాను. పరస్పర విరుద్ధమైన సమాధానాలు వచ్చాయి. చౌదరి గారి దగ్గర నుండి సమాధానమే లేదు. ఏ విధమైన ఆధారం లేకుండా మాట్లాడడం భావ్యం కాదు.

ఏది ఏమైనా నేను అవకాశం ఇవ్వకుండా ఇటువంటి మాటలు ఎవరూ అనలేరు. ఎక్కడైనా అవకాశం ఇచ్చానా అని ఆలోచించుకుంటే నాకు సమాధానం దొరికింది. అవకాశాలు సృష్టించుకున్నాను అని అర్ధం అయింది. ఇప్పటికే చాలా దూరం వచ్చేసాను. వెనక్కి వెళ్ళడమా, మానడమా అనుకుంటున్న తరుణంలో నాకు దక్కిన మరో అవకాశం. 

హరిబాబు గారే కావచ్చు మరో అజ్ఞాత ఎవరైనా కావచ్చు. వారు అన్న మాటకు నేను కట్టుబడి ఉంటాను. వారు పబ్లిక్ గా నాకు చాలెంజ్ విసిరారు కాబట్టి నేను కూడా పబ్లిక్ గానే చాలెంజ్ చేస్తున్నా ! 

నా భర్తకు చెప్పకుండా రావాలని వారు కోరారు. కేతన్ అనే అతను భర్తకు అంగీకారమైతే తప్పులేదు అని అన్నారు. ఇక్కడ కూడా నాకు క్లారిటీ లేదు. భర్తకు అంగీకారమైతే ఒక తప్పు తప్పు కాకుండా ఒప్పు అవుతుందా ?

నేను నా భర్తకు తెలియకుండానే చాలా పనులు చేస్తాను. ఎందుకంటే చాలా పనులను మగవాళ్ళను ఒప్పించడం కష్టం. నా మనసుకి నచ్చింది నేను చేస్తాను. నేను చేసింది చేసేసిన తరువాత చెపుతాను. ఇందులో సందేహం లేదు. చేసిన తరువాత చెపుతావేంటీ ? అని ఆయన గొడవపడతారు. నేను అడిగింది మీరు పట్టించుకోకపోతే నాకు నచ్చినట్లు నేను చేసుకుంటాను అనేది నా సమాధానం ! 

ఉదాహరణకి ఒక విషయం చెపుతాను ...టీవీల్లో, సినిమాల్లో అమ్మాయిలను వారి శరీరాలను చూపిస్తుంటారు. వాళ్ళను చూసి బాగా ఎంజాయ్ చేస్తుంటారు. నాకు అసూయ ఎక్కువ ! నేను కూడా నా ఫోటో లు ఆన్లైన్ లో అప్లోడ్ చేసాను. ఫేస్ బుక్ లో నా ఫోటో చూసి మా అబ్బాయి అలా ఎందుకు చేసావని అడిగాడు, నాన్నకి చెప్పి ఫోటో తీయించాడు. టీవీలో సినిమాల్లో అమ్మాయిల ఫోటో లు చూసి మీరెలా ఎంజాయ్ చేస్తున్నారో అలాగే వేరేవాళ్ళు కూడా నా ఫోటో లు చూసి ఎంజాయ్ చేస్తారు అన్నాను. అంతటితో మా అబ్బాయి కానీ మావారు కానీ మళ్ళీ అమ్మాయిల జోలికి వెళ్ళలేదు.

ఏ విషయం అయినా ప్రాక్టికల్ గా అనుభవిస్తేనే కానీ ఎవరికయినా బుద్ధి రాదు. నాకు కూడా అంతే !
రాజకీయాలు మనకు వద్దు అని మావారు అన్నారు. నా బుద్ధి అటువైపే వెళుతోంది. నేనేమీ చేయలేను. నా పరిస్థితులు కూడా అటువైపే నడిపిస్తున్నాయి.

నా భర్తతో చెప్పకుండా నన్ను రమ్మని అన్న అజ్ఞాతకి కొన్ని కండిషన్లు :

1. మీరు మీ భార్య మరియు తల్లి గారి అనుమతి తీసుకుని నన్ను పిలవాలి.
2. మీరు నన్ను ఎక్కడికి రమ్మటున్నారో కూడా పబ్లిక్ గానే చెప్పాలి.
3. మీరు వ్యక్తిగత మరియు  అనైతిక కార్యకలాపాలకోసం నన్ను వాడుకోదలచితే నేను ఒప్పుకోను.
4. రాజకీయ కారణం కోసమే నన్ను వాడుకోవాలి.
5. నేను రామజన్మభూమి కోసం తెలంగాణా కోసం సిన్సియర్ గా పనిచేసాను. మీరు ఏ కారణం కోసం నన్ను వాడుకోదలుచుకున్నా ఆంధ్రా ప్రత్యేక హోదా లేదా ప్యాకేజీ విషయంలో లబ్దిపొందేలా చూడాలి.
6. వ్యక్తిగత ద్వేషంతో  నేను పనిచేయను. దేశ, రాష్ట్ర విసృత ప్రయోజనాల కోసం మాత్రమే నేను పనిచేస్తాను. 
7. ఒక నిర్ణయం తీసుకున్న తరువాత వచ్చే కష్టనష్టాలకు నేను బాధ్యత వహించను, కలిసి పనిచేస్తున్నాం కాబట్టి లాభనష్టాలు ఎవరివి వాళ్ళవే ! 
8. మీ ఉద్యోగం పోవడం లాంటి  మీ ఆస్థి, ప్రాణ నష్టాలకు నేను బాధ్యత వహించను.
9. నేను పెట్టిన ఫోటో హీరోయిన్ "మెహరీన్" ది కాబట్టి నన్ను మోసం చేసావు అని అనకూడదు. నా వ్యక్తిగత ఫోటోలన్నీ ఫోటో షాప్ చేయబడ్డవి. నా వ్యక్తిత్వం తో మీకు పని కానీ నా రూపలావణ్యాలు మీకు అనవసరం.
10. నన్ను మా బంధువులు అందరూ "చిట్టి రోబో" అని పిలుస్తారు. గ్యాస్ సిలిండర్ ఖాళీ అయితే అందరు ఆడవాళ్ళు భర్తల కోసం ఎదురుచూస్తూ ఉంటారు. నేను నిండుగా ఉన్నగ్యాస్ సిలిండర్ అవలీలగా లేపేస్తాను. ఎందుకు చెపుతున్నానంటే నా శక్తిసామర్ధ్యాలు ఎలాంటివో చెప్పడానికి చెపుతున్నాను. నేను ఆడదానిగా, బలహీనురాలిగా కనిపిస్తున్నా నా ఇష్టం లేకుండా నన్ను ఎవరూ ఏమీ చేయలేరు అన్నది గుర్తుపెట్టుకుని వ్యవహరించాలి. 
ఇప్పటికి ఇంతే సంగతులు కాబట్టి లేచిపోదామన్న మొనగాడా ... రా చూద్దాం ! 

 
  

1 comment:

Haribabu Suraneni said...

Very nice - but look before you elope!