Friday, January 17, 2020

బంటురీతి కొలువు ఈయవయ్య రామ.....

నిన్న మా ఇంటిప్రక్కనే ఉన్న చండికగారింటికి బొమ్మలకొలువుకి వెళ్ళాను. చాలా బాగా అందంగా పెట్టారు. వెంటనే వీడియో తీసి ఆడియో జతచేసి వాళ్ళకి పంపాను. చాలా సంతోషించారు. బొమ్మలు అందంగా పెట్టడం, మళ్ళీ వాటిని అట్టపెట్టెల్లో భద్రపరచటం ప్రతి సంవత్సరం చేస్తారు. వారి అనుమతితో వీడియో ఇక్కడ పోస్టు చేస్తున్నాను. అన్నీ దాదాపు కొండపల్లి బొమ్మలే. మీరూ చూడండి.


బంటురీతి కొలువు ఈయవయ్య రామ
బంటురీతి కొలువు ఈయవయ్య రామ

కంటపడని నీడై  వెంట నడచు తోడై
కంటపడని నీడై వెంట నడచు తోడై
నీ సేవలన్ని నిర్వహించగలిగే బంటురీతి కొలువు
బంటురీతి కొలువు ఈయవయ్య రామ



బంటురీతి కొలువు ఇయవయ్య రామ
బంటురీతి కొలువు ఇయవయ్య రామ




Tuesday, December 10, 2019

సెల్యులార్ జైల్ (Andaman And Nikobar Islands - 2)

మొదటిరోజు పోర్ట్ బ్లెయిర్ చేరుకున్నాక ఫ్రెషప్ అయి ముందుగా సెల్యులార్ జైల్ కి వెళ్ళాం.


బ్రిటీషు పాలనకి వ్యతిరేకంగా పోరాటం చేసినవారిలో చాలామంది ఉద్యమకారులని బంధించి అండమాన్‌ దీవుల్లో ఖైదీలుగా వుంచేవారు. ఈ ఖైదీలందరూ ఈదుకుంటూ దేశానికి తిరిగొచ్చే సాహసానికి ఒడిగట్టడంతో సెల్యులార్‌ జైలు నిర్మాణం జరిగింది.


సెల్యులార్‌ జైల్‌కి 'కాలా పానీ' అనే పేరుంది. కాలా అంటే నలుపు. దీవుల్లో నిర్మించడంతోపాటు అత్యంత చీకట్లని అలుముకుని వుండే జైలు నిర్మాణం కారణంగా సెల్యులార్‌ జైల్‌కి ఆ పేరొచ్చింది.


బ్రిటీషువారికి వ్యతిరేకంగా నినాదాలు చేసే రాజకీయ ఖైదీలని ఎక్కువగా అండమాన్‌లోని ఈ జైలుకి తరలించేవారు.స్వాతంత్ర్య స‌మ‌ర‌యోధుడు వీర్ సావ‌ర్క‌ర్‌ను ఈ జైలులోనే ఉంచారు.


అండమాన్‌ దీవుల్లోని సెల్యులర్‌ జైల్‌ 1896-1906 మధ్య నిర్మించబడింది. ఒక చక్రం ఆకారంలో వుండే ఈ భవనంలో ఏడు విభాగాలుగా భవనాలని నిర్మించారు. ఈ భవనాలకి మధ్య భాగంలో ఒక టవర్‌ని ఏర్పాటు చేశారు.  ఈ సెల్యులార్‌ జైలులో టవర్‌ వద్ద నుండి ఖైదీలను గమనిస్తుంటారు.  ఏడు విభాగాలున్న ఈ జైలులో ఒక్కో విభాగంలో మూడంతస్తులుంటాయి.


ఏడు విభాగాల్లో మొత్తం 696 గదులని నిర్మించారు. ఈ గదుల్లో ప్రవేశించడం కూడా చాలాకష్టంగా వుంటుంది. ఒక్కో గదిలో ఒక్క ఖైదీని మాత్రమే వుంచేవారు.


ఏ ఖైదీ మరో ఖైదీతో మాట్లాడే వీలు లేకుండా వుండేలా జైలు గదులని నిర్మించారు. ప్రతి జైలు గది ప్రవేశ ద్వారం ఊచలు మరో ఖైదీకి కనిపించవంటే ఎంత జాగ్రత్త తీసుకున్నారో అర్థమవుతుంది.



ఏడు విభాగాలుగా వున్న ఒక్కో బ్లాక్‌ సెంట్రల్‌ టవర్‌కి అనుసంధానంగా వుండేలా ఒక బ్రిడ్జ్‌ని ఏర్పాటు చేశారు. జైలు అధికారులు మాత్రమే ఉపయోగించే ఈ బ్రిడ్జి ప్రవేశం రాత్రి సమయంలో మూసివేయబడేది. దీని ద్వారా ఒక్కో విభాగానికి రాకపోకలని పూర్తిగా నివారించబడేవి.


జైలు ఆవరణలోని ఒక్కో విభాగం వద్ద ఒక వర్క్‌షెడ్‌ వుంటుంది. ఇక్కడ అమర్చబడిన గానుగ పరికరాల్ని ఖైదీలే తిప్పాలి.


గింజల నుంచి నూనెని తీసేందుకే ఖైదీలు ఎక్కువగంటలు పనిచేయాల్సి వచ్చేది.


జైలు నుండి కొద్ది దూరం బయటికొస్తే చాలు నాలుగు పక్కలా సముద్రమే కనిపిస్తుంది.


దేశ స్వాతంత్య్రం అనంతరం అండమాన్‌ సెల్యులర్‌ జైలు ఒక చారిత్రక మ్యూజియంగా చరిత్రలో చిరస్మరణీయంగా వుండిపోయింది.


సాయంత్రం వేళల్లో అక్కడ లైట్ షో నిర్వహిస్తారు. సెల్యులార్‌ జైల్‌లో అప్పట్లో జరిగిన అరాచకాలను చూపించారు.



సాయంత్రం పోర్ట్ బ్లెయిర్ లోనే ఉన్న కోవే బీచ్ కి వెళ్ళడంతో మొదటిరోజు పూర్తయింది.





అందమైన హావ్ లాక్ బీచ్ కబుర్లు మరొకరోజు....

Monday, December 9, 2019

బాలమిత్ర కథలో చదివా పగడపు దీవులు ఉంటాయని ....(Andaman And Nikobar Island Tour -1)

పగడపు దీవుల్లో పగడపు దిబ్బల(coral reefs) గురించి చదువుకున్నప్పటి నుండి అండమాన్ చూడాలని కోరుకుంటే ఇప్పటికి కుదిరింది. అండమాన్ అనగానే బీచ్ లు గుర్తొస్తాయి. మావారికి బీచ్ లు అంటే అసలు ఇష్టం ఉండదు. నేనడుగుతున్నానని బయలుదేరారు కానీ టూర్ గురించి అసలు ప్లాన్ చేయలేదు. కొలీగ్స్ మీద వదిలేసి బయలుదేరాం. ఏవేవి చూడాలో నేను కొంత ప్లాన్ చేసాను కానీ నా మాట విననే లేదు. టూర్ సరిగా ప్లాన్ చేయకపోవడం, వాతావరణం అనుకూలించకపోవడంతో ఓడలో ప్రయాణం కాన్సిల్ అవడం వల్ల అనుకున్నట్లుగా కోరల్ రీఫ్స్ చూడలేకపోయాము. 

నేను స్క్యూబా డైవింగ్ చేయాలని ప్రయత్నించినప్పటికీ మావారు పడనీయలేదు... అదొక నిరాశ. కోరల్స్ మరియు స్క్యూబా డైవింగ్ లేని అండమాన్ ప్రయాణం నాకు నచ్చలేదు. ఇంక వ్రాసేందుకేముంటాయి ? మిగతా విశేషాలు గుర్తుగా ఉంటాయని వ్రాస్తున్నాను.

అండమాన్‌ దీవులు మనకు చాలా దగ్గరలోని అందమైన  ప్రదేశం. అండమాన్-నికోబార్ దీవులకు వెళ్లాలంటే ముందుగా రాజధాని పోర్ట్‌బ్లెయిర్ చేరుకోవాలి. కోల్‌కతా, చెన్నై, హైదరాబాద్ ల నుంచి రోజూ పోర్ట్‌బ్లెయిర్‌కు విమాన సర్వీసులు ఉన్నాయి.


  
హైదరాబాద్ నుండి పోర్ట్‌బ్లెయిర్‌కు రెండు గంటల ఇరవై నిమిషాల ప్రయాణం. విశాఖపట్నం, చెన్నై, కోల్‌కతాల నుంచి ఓడలో రెండున్నర నుంచి మూడురోజుల ప్రయాణంతో పోర్ట్‌బ్లెయిర్ చేరుకోవచ్చు. సముద్రం నీళ్ళను చూస్తూ గంటలు గడపడం కాస్త బోరింగ్ అని నా అభిప్రాయం. ఓడలో వెళ్ళదలుచుకుంటే ఎక్కువ మంది ఉన్నపుడు కలిసి వెళితే బాగుంటుంది. 

పోర్ట్ బ్లెయిర్ కి వెళ్ళాక చుట్టుప్రక్కల దీవులకు వెళ్ళాలంటే ఎలాగూ చిన్న ఓడలో ప్రయాణం చేయవలసి ఉంటుంది కాబట్టి మనకు ఓడ ప్రయాణం కోరిక కూడా తీరిపోతుంది. 




గంట, గంటన్నర వ్యవధిలో చిన్న చిన్న బోట్లలో ప్రయాణం చేస్తాం. ఈ బోటులో 200 వందల మందితో పాటు బస్సులు, వ్యాన్ లు లారీలు కూడా ఎక్కించారు. ఈ బోటులో వెళ్ళేటపుడు సరదాగా అనిపించింది.

మిగతా వివరాలు తరువాత పోస్టులో ...



Sunday, November 10, 2019

సుప్రీం కోర్టు తీర్పు అమోఘమైనది ....Mr.Asaduddin !

బాబర్ కాలంలో రామాలయం పడగొట్టి మసీదు నిర్మించారన్నది హిందువుల వాదన ! అపుడు అంతమంది హిందువులు ఉండి రామాలయం పడగొడుతుంటే చూస్తూ ఎలా ఊరుకున్నారు అనిపించింది.

నిన్నటి తీర్పు విన్న తర్వాత ఇపుడు ఇంతమంది ముస్లిం లు ఉండి కూడా ఎవరూ నోరెత్తడం లేదేమిటి అనిపిస్తుంది.

హైదరాబాద్ లో 400 వందల సం ల క్రితం చార్మినార్ కట్టినపుడు మధ్యలో భాగ్యలక్ష్మి టెంపుల్ ఉందా ?

భాగ్యలక్ష్మి టెంపుల్ పడగొట్టే ధైర్యం ఎవరైనా చేయగలరా ?
అపుడు సుప్రీం కోర్టు తీర్పు ఇలాగే ఇస్తుందా ?


Friday, November 1, 2019

రాష్ట్రావతరణ దినోత్సవ శుభాకాంక్షలు !

రాష్ట్రావతరణ దినోత్సవ శుభాకాంక్షలు !


నవంబర్ 1 రాష్ట్రావతరణ దినోత్సవంగా ప్రకటించిన జగన్మోహన్ రెడ్డిగారి నిర్ణయాన్ని స్వాగతిస్తున్నాను.

ఉమ్మడి రాష్ట్రం విడిపోయిన రోజు రాష్ట్రావతరణ దినోత్సవంగా ప్రకటించడం నాకు నచ్చలేదు. అసలు 1 అక్టోబరు  1953 ఆంధ్ర రాష్ట్రం ఏర్పడినప్పటికీ తెలుగు వారందరూ కలిసి ఉండాలన్న ప్రాతిపదిక మీద 1నవంబరు 1956 లో ఉమ్మడి రాష్ట్రం ఏర్పడింది.

ఉమ్మడి రాష్ట్రంలో ఇబ్బందులు ఉన్నాయని విడిపోయిన తర్వాత మనకు అభ్యంతరం లేనపుడు, అక్టోబరు 1 రాష్ట్ర అవతరణ దినోత్సవంగా ప్రకటించాలి కానీ జగన్ గారు నవంబరు 1 రాష్ట్రావతరణ దినోత్సవంగా ప్రకటించారు.

ఉమ్మడి రాష్ట్రం విడిపోవడం ఇష్టం లేనివారు, ఉమ్మడి రాష్ట్ర విభజనవల్ల నష్టపోయామనుకున్నవారు నవంబరు 1 రాష్ట్రావతరణ దినోత్సవంగా జరుపుకోవచ్చు.

ఇందుమూలంగా ఆంధ్రప్రదేశ్ రాష్ట్రావతరణ సందర్భంగా శుభాకాంక్షలు తెలియపరుస్తున్నాను.



Thursday, August 15, 2019

దేవుడు స్క్రిప్ట్ భలే రాశాడు....

ఎవరైతే అమరావతిని గ్రాఫిక్స్, భ్రమరావతి అని అబద్ధాలు చెప్పారో, వాళ్ళ చేతనే ఇప్పుడు అక్కడ లైటింగ్ పెట్టించి దాన్ని మరింత అందంగా చూపించేలా చేశాడు.
Happy Independence Day !